碧咸大仔Brooklyn女友Chloe曬蜜照放閃　未來奶奶碧咸嫂都畀like

萬人迷碧咸（David Beckham）唔單止自己生得型英帥靚正，就連他和老婆碧咸嫂Victoria生的三仔一女都盡得爸媽優良的遺傳，而18歲的大仔Brooklyn已經是小鮮肉一名。最難得是年輕靚仔兼有大班粉絲的Brooklyn用情好專一，同現年20歲的荷李活女星嘉兒莫蕊茲 (Chloe Moretz) 又離又合依然始終如一深愛住對方，兩人去年舊情復熾之後還愈來愈Sweet，亦愛得好大方，不時於instagram上放閃，上月更被發現戴上了情侶戒，即惹來兩人已經訂婚的猜測。

昨日，Chloe又再大曬同男友Brooklyn的溫馨蜜照，於IG上載了一張兩人的合照，相中的Brooklyn摟實Chloe，而Chloe就手拎住一大紮鮮花，唔使問都應該是Brooklyn送的啦。除了兩人的恩愛樣，相中仲清楚可以見到他們手上均戴住了情侶戒，真係閃爆，難怪會被網民估兩人早已訂婚了。除了大批粉絲同網民留言畀like外，就連Chloe的未來奶奶Victoria都有畀like㗎，證明Victoria都好支持仔仔同Chloe的戀情呢。