【Wanna One澳門見面會】姜丹尼爾與朴志訓輸遊戲罰用patpat寫名

Wanna One 11子姜丹尼爾、邕聖祐、朴志訓、裴珍映、賴冠霖、金在奐、河成雲、朴佑鎮、黃旼炫、尹智聖、李大輝，尋晚（13日）喺澳門舉行2018年第一場粉絲見面會《Wanna One 1st FAN MEETING IN MACAU》，除咗唱足一連串大熱歌曲之外，Wanna One仲分開咗兩隊玩遊戲畀Wannable（Wanna One粉絲名稱）睇！十足十將Wanna One團體綜藝《Zero Base》搬咗上舞台啊！

邕聖祐就話一嚟到澳門呢個演唱會場地之後，就覺得可以咁近距離同大家見面好開心，嚟緊唔想成為只係接受愛嘅Wanna One，而喺想令Wannable成為接受愛嘅粉絲。

喺Wanna One玩遊戲之前，就要先分開兩隊，大哥尹智聖同忙內賴冠霖各自負責帶領一隊，以猜包剪揼形式揀隊友。雖然賴冠霖獲得首勝揀走咗邕聖祐，可惜之後都輸晒畀尹智聖，李大輝仲問話賴冠霖：「點解你連猜包剪揼都咁渣㗎！」最終分隊名單如下，尹智聖隊：姜丹尼爾、朴佑鎮、金在奐、朴志訓，賴冠霖隊：邕聖祐、黃旼炫、李大輝、裴珍映、河成雲。

姜丹尼爾就對今日嘅舞台留有遺憾：「我覺得我哋今日未夠努力，無好好表現出更好嘅舞台，下次再嚟我哋一定會更加努力！」

Wanna One兩隊先後玩咗「比手畫腳」同「猜猜這是甚麼」遊戲，喺玩「比手畫腳」時，「粉紅香腸團」嘅朴志訓同朴佑鎮扮大笨象同扮烏龜就最似、最好笑，最後仲贏埋賴冠霖隊，而賴冠霖隊嘅懲罰就係要以撒嬌鼻音唱出《PICK ME》。

朴佑鎮最後表示：「今日係2018第一場show，又係我哋第一次嚟澳門，覺得好有意義，我已經準備好下一次同大家見面，我愛你們Wannable！」

河成雲表示：「我哋第一次嚟澳門，覺得我哋語言不通好可惜，我哋會努力學習，下次會努力用中文同大家多多溝通！」

+15

但係玩「猜猜這是甚麼」時，李大輝對戰尹智聖就最好笑，因為主持同其他Wanna One成員就呃佢兩個，訛稱箱入面嘅嘢係有生命、太大力會死㗎！搞到李大輝同尹智聖勁緊張，又唔敢掂箱入面嘅生菜，Wannable見到佢哋個驚慌樣都忍唔住大笑啊！不過遊戲去到最後，今次就掉返轉輪到尹智聖隊輸咗，而佢哋嘅懲罰就係要用patpat寫返自己個名！當姜丹尼爾同朴志訓被罰時，Wannable仲送上震耳嘅尖叫聲添！最後Wannable都知道Wanna One係限定組合，去到2018年12月31日就會結束，所以Wanna One離開舞台之前都表示好想喺2018年同Wannable留下美好嘅回憶，多多見面！

尹智聖就講到：「2018年第一場粉絲見面會同大家見面好開心，希望Wannable有更多好事，下次會再嚟㗎！」

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/

【Wanna One記者會】邕聖祐澳門出街玩　賴冠霖預告會有個人活動Wanna One姜丹尼爾同宣美跳《Gashina》　再教金在奐《Tell Me》韓國《第32屆金唱片》Wanna One邕聖祐換新髮型　BLACKPINK奪本賞《偶像練習生》抄《Produce 101》　私人服式學Wanna One賴冠霖　