【寶貝的新朋友】謝賢少同孫仔Quintus相處 勸大家唔好結婚

撰文:鄺鈺瑩
出版:更新:
四哥話自己好耐無執筆,所以寫完又寫,但其實佢都係想將最好一面留畀小慶。(影片截圖)

四哥謝賢平日看似瀟灑,不過最近他參加的內地真人騷《寶貝的新朋友》時,就不時都流露出鐵漢柔情一面。節目中,四哥同要照顧的小朋友小慶相處3個多月,去到尾聲,四哥全程依依不捨,上集更即席將隨身頸鏈除下送畀小慶,希望佢永遠都可以記住自己,而今集四哥更出動埋「家書」,雖然只係短短一句「祝小慶快樂成長 愛你的四爺」,但四哥竟然預先練習了好幾次,足見對小慶的認真程度。

離別在即,四哥攬咗小慶好多次,亦透露自己對婚姻的看法。(影片截圖)

到晚上聚餐時,四哥就同主持人講,話自己從未遇過乜都願意講的小朋友,主持人問四哥是否因為未曾同自己兩個孫長時間相處,所以如此感觸。呢位老人家就若有所思咁話:「我只是和第一個孫子,他們沒事,我就常帶他去買玩具。」四哥口中的他們,當然就係指謝霆鋒同張栢芝,當年二人離婚之後,莫講話四哥,連狄波拉(拉姑)都呻過少見一對寶貝孫仔。四哥之後再同主持人講:「哎!所以真的,結婚這兩個字,不要吧!不要結婚,見面就做好朋友,不好就不見你。」四哥曾經歷過兩段婚姻,最近更有傳他與女友分手,看來真係好sad:「我也經歷過,所以一按那個電腦,大部份都是講他們一家人。」

四哥演出內地節目《寶貝的新朋友》,難捨難離節目中的寶貝朋友小慶。