【放閃】吳奇隆寵妻成好老公典範 為劉詩詩剝栗子勁有愛
撰文：洪曉璇
出版：更新：
曾經有一篇潮文，係一位已婚男士話拍拖時願意為女友剝蝦殼，但婚後就唔使旨意，自此剝蝦殼成為好男人指標。1月20號係吳奇隆劉詩詩結婚3周年嘅日子，婚後佢地經常出雙入對，世界各地機場都見到佢地蹤影，仲不時互相探班爭取見面時間。最近又有網友偶遇吳奇隆、劉詩詩拍拖，仲影低吳奇隆當街剝栗子俾詩詩食嘅一幕，令一眾女網友都話sweet到漏。
吳奇隆劉詩詩只要其中一位唔使工作，一定會去探班爭取見面時間，最近又有網友喺深圳遇見佢地拍拖食栗子。(微博圖片)
趁住拍攝空檔，吳奇隆劉詩詩喺商場閒逛，仲被網友影到剝栗子勁有愛嘅一幕。(微博圖片)
之前吳奇隆先被人影到，連戲服都未換就趕去送老婆機，已經被大讚貼心，但佢地嘅親密互動又點止接送機咁簡單，近日就有網友於深圳商場捕獲小倆口。原來係吳奇隆正在深圳拍戲，劉詩詩到場探班。趁拍戲空檔劉生劉太偷時間拍拖行街，網友指佢地行到販賣機買栗子。需知道冬天栗子當造大家都想買番包暖手暖胃，但剝栗子殼卻是難題，無論生熟栗子啲殼都頑強得很。吳奇隆相當細心，幫劉詩詩剝栗子，送到老婆手上就咁放入口就得，甜蜜互動令網友大讚好羨慕，紛紛tag另一半學嘢。
結婚3年以來，吳奇隆劉詩詩喺機場被影到孖住出現次數，可能係明星夫婦中頻率最高嘅一對。(視覺中國)
+6