【港女講感情】陳嘉倩陷入感情三角大混戰 賤男一拖二先最抵鬧！
撰文：李妍樺
出版：更新：
大台花旦走吓一個又一個，但唯獨嘉倩BB（陳嘉倩）一直無離開過大家，早前佢就辭職離開大台話要去讀Master，但因為佢成日就Upload Facebook，所以一舉一動都依然受到大家注視，網友暗地裡FF如果做到嘉倩BB就好，可以日日同佢上堂做Group project。
【港女講感情】陳奕迅Medley賣回憶 每位姊妹都有一張最窩心歌單
【港女講感情】許志安揀同鄭秀文同月受洗 行前一步走入對方世界
嘉倩BB早前去咗讀書。（網上圖片）
+3
可惜好景不常，人紅自然是非多，嘉倩BB被狗仔隊影到佢秘密同「凸肚男」一齊，大家都以為係嘉倩BB偷食，點知最尾發現原來同醫生男友一早散咗。女神回復單身本身就普天同慶，但女神點可以同平凡肥仔陳志遠一齊，公平咩？點知咁都未算爆，網民伽利略上身起底個「凸肚男」，發現原來個陳志遠係本身有女友，仲要係圈內大台嘅朱婉禎。
之後三個人就陷入大亂戰，首先嘉倩BB就出大招喺Facebook寫千字文訴苦話自己好冤枉，話：「陳先生交往期間，我完全不知道有這樣一位『女友』存在。」成班粉絲即刻留言聲援女神，點知正印朱婉禎即刻反撃，話嘉倩BB之前已經Inbox過佢，又何來唔識？嘉倩BB受重撃，形象被扣50分，緊接著陳志遠又出嚟自認賤男外話陳嘉倩一早就知佢有女友，嘩，2 Combo，嘉倩BB受到嚴重重撃，形象插水，成件事仲好睇過《溏心風暴》阿真係，小二，花生阿唔該！
嘉倩BB同朱婉禎互片。（網上圖片）
不過咁，感情事真係要本人先知道發生咩事，大家可能唔知咩事就慣咗鬧小三先，破壞人哋感情，係狐狸精！但其實最應該鬧嘅係一腳踏兩船嘅賤男，正所謂「牛唔飲水唔禁得牛頭低」，其賓只要男方本關得好根本就咩事都唔會發生。本身佢自己對感情都咁唔忠誠，之後再話個女仔明知我有女友都冇用啦，邊個信你？