傅穎靚樣7.0版本再回歸 自稱點講都唔會嬲:已經覺得冇所謂

撰文:
最後更新日期:

對於不時被指變臉,傅穎表示唔會嬲,因為已經覺得沒有所謂。(梁碧玲攝)

近年長駐內地工作的傅穎,踏入2018年終於「回流」香港,聯同Supper Moment 拍攝服裝廣告。「對上一次喺香港工作已經係2016年,都開心大家睇到我有運動細胞。」她表示於廣告中有大量的跑步場面,幸好自己本身熱愛外户外運動,所以並不成難度,至於酬勞方面,傅穎就話「滿意」。不過,問到傅穎平日有否聽Supper嘅歌,佢就有少少尷尬咁話:「今日開始會聽。」傅穎長期喺內地工作,Supper又咁本土,無聽都好正常,唔使尷尬喎。

傅穎以前Cookies時期曾經被評為「好pure好true」,後來傅穎2007年開始再進化以金色曲髮、大眼仔打扮,一度成為網民女神。自從北上發展後,樣貌成日被人懷疑多次進化,2016年更拍片澄清「再進化」都只係化妝技術,今次傅穎返香港拍廣告,望落好似係有啲唔同樣,唔通又再七次進化。問到Theresa介唔介意被人話「再進化」?她好大方表示唔介意:「唔會嬲,因為已經覺得沒有所謂!」

傅穎當年一曲《花吃了這女孩》,引來網民熱議。(資料圖片)

近期不少歌手玩集體回憶,傅穎有否打算也加入此行列呢?「其實我無咁嘅plan,近年工作重心都在內地,但2018年第一次工作係喺香港,自己都覺得有意義。」咁留守內地是否因為想多同男朋友相處呢?傅穎今日就宣布已回復單身,並謂與男友已分開數月,但原因佢就不願多提。傅穎於2016年時表示蜜運中,但只肯透露對方係蒙古人,去年九月回港出席友人婚宴時,提到男友時支吾以對,仲話自己無正式認過有男友。

今年三十有三的她會否對人生大事著緊呢?傅穎指身邊朋友比她更緊張,媽媽更由她30歲開始不斷催婚,但自己暫時就想以工作為重。「但如果緣份到的話,擋都擋唔住。」

+5
+4
+3

呢個係2007年嘅傅穎(視覺中國)

呢個係2015年嘅傅穎..大家覺得似唔似?(視覺中國)

傅穎的運動細胞,相信唔包括足球。(梁碧玲攝)

鄧麗欣憑電影《空手道》首次封后,傅穎就話係一種肯定,並透過媒體祝賀對方。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。