【降魔的】馬國明未收到通知落實開拍續集:有無我都一樣開心

撰文:
最後更新日期:

馬國明話主要睇公司安排以及監製同編審嘅意願。

無綫劇集《降魔的》編審羅佩清於Facebook發千字長文透露會有續集,身為該劇男主角的馬國明亦有睇到呢篇文,他接受香港01記者訪問時表示:「以我所睇佢篇文嘅理解,佢無話落實㗎喎,佢係有少少拉票咁,好似係叫啲觀眾投《降魔的》一票啦,希望《降魔的》喺台慶頒獎禮有好成績,令到公司落實開拍《降魔的2》咁樣,所以應該係未落實嘅。咁就等公司安排啦,如果監製同編審都有信心開2嘅,我當然ready啦,但都真係要等公司安排,睇下台慶頒獎禮有無好消息。」

馬明話就算係死咗嘅角色都可以翻生㗎。

馬國明坦言自己暫時未收到有關通知:「我唔知監製編審同杜生(杜之克)會唔會傾咗啲嘢我唔知啦,以我所知係未確定拍唔拍續集嘅。我哋小演員咩都唔知㗎。其實我自己睇《降魔的》個故仔係留咗好多伏線,所以如果要開續集係有機會嘅,決定權都係交返畀監製編審,我嘅信心都係嚟自佢哋。我作為演員有好嘅故事同好角色可以參與演出當然無任歡迎啦。其實有無得開拍續集我都一樣開心,因為都曾經參與過呢部咁好嘅劇集,成個劇組都拍得好開心。」

馬明希望《降魔的》喺台慶頒獎禮有好成績。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。