智妍孝敏恩靜居麗守護團名　提交拒絕MBK註冊「T-ara」商標　

智妍、孝敏、恩靜和居麗好有可能會唔能夠再以T-ara名義活動。（網上圖片）

T-ara前經理人公司MBK Entertainment喺T-ara申請成員智妍（又譯：芝妍）、孝敏、恩靜（又譯：𤨒晶）和居麗喺完約3日前，就註冊T-ara商標，一旦成功的話，智妍、孝敏、恩靜和居麗就唔能夠再以T-ara名義活動，就好似Beast斗俊、俊亨、耀燮、起光同東雲咁，要改頭換名以Highlight再回歸K-pop界！

T-ara今日提交拒絕MBK Entertainment註冊「T-ara」商標理由嘅申請書。（網上圖片）

今日T-ara嘅智妍、孝敏、恩靜和居麗就向韓國專利局，提交咗拒絕前經理人公司MBK Entertainment註冊「T-ara」商標理由嘅申請書。於此同時，她們的代表律師表示「根據商標法，當然有拒絕MBK申請註冊『T-ara』商標嘅理由，我方已經提交咗拒絕註冊嘅相關申請，如果拒絕MBK註冊『T-ara』商標嘅申請無被採納，成功註冊嘅話，我方會再次正式提出異議。」

希望T-ara可以成功守護團名！（網上圖片）

其後MBK Entertainment都有發表回應「『T-ara』商標註冊問題係要以法律去解決，而唔係MBK Entertainment方面要對應嘅部分，同時都等緊『T-ara』商標註冊申請結果。」MBK Entertainment當初說好的和平解約、離開公司嘅說法似乎唔成立，咁快就被打臉，Queen's（T-ara粉絲名稱）都要記得為T-ara集氣啊！

智妍 孝敏 恩靜 居麗守護團名 提交拒絕MBK註冊「T-ara」商標

更多圖片

智妍孝敏恩靜居麗守護團名　提交拒絕MBK註冊「T-ara」商標　