胡杏兒仔仔Brendan百日宴 可愛到李施嬅抱到唔想放手
撰文：蘇國豪
出版：更新：
胡杏兒去年10月為老公Philip Lee誕下兒子李奕霆（Brendan）後，話咁快Brendan已經出咗世一百日，就在昨晚杏兒同老公為仔仔舉行百日宴，擺咗二十幾圍宴請一眾親朋好友，齊齊享受呢個開心時刻。
Brendan百日宴，一班胡說八道會契媽一定會來祝福。（網上圖片）
周志文、楊潮凱﹑江美儀…等人出席之外，一班胡說八道會契媽胡定欣、李施嬅、胡蓓蔚及姚子羚亦有到場，其中胡定欣更是抽空出席，皆因她忙於工作中：「千羽寶寶偷時間岀去Baby Lee百日宴！祝Brendan快高長大，聰明伶俐，做個快樂小男孩！契媽s錫。」可見呢位契媽幾有心。而李施嬅更表示抱到唔想放手：「Brendan B.B., 100 日快樂，要健康快樂，契媽’sssss 好想攬住你唔放，太好攬喇。」眼見Brendan得到咁多姐姐哥哥祝福，相信他一定會健康快樂長大。
不少TVB好朋友都出席。（網上圖片）
杏兒似乎身材還未完全回復。（網上圖片）
杏兒身穿一套粉紅色衣服，見她仍然圓潤似乎身材還未回復，不過最重要都是仔仔開開心心平安快樂，她都在社交網站留言感謝一班朋友到來：「謝謝大家的祝福，希望叔叔阿姨們都玩得開心。」不少網友都紛紛送上祝福，望Brendan健康快樂成長。
現場佈置相當可愛 （網上圖片）
奶嘴餅乾 （網上圖片）