【有片】謝霆鋒再現雞冠髮型 拎起熨斗自己Set頭真係型！
撰文：洪曉璇
出版：更新：
潮流係一啲人人都跟住做嘅事物，當你行先一步而唔係人做你先做，咁就可以有機會成為潮人啦。謝霆鋒尋晚喺台灣出席頒獎禮擔任表演嘉賓，自彈自唱《活著Viva》固然吸引，不過佢再次以雞冠頭示人更成為網友熱話。表演之後做訪問佢話自己用熨斗Set頭，記者以為佢係講笑咩？霆鋒就貼埋片話俾大家知真係得架。
謝霆鋒呢個髮型加埋自彈自唱，好似時光倒流十幾年呀。(視覺中國)
【附直播連結】謝霆鋒赴台表演《活著Viva》 搭高鐵南下勁親民【叱咤】謝霆鋒上載綵排片段 Chef Lemon彈結他真係好熱血
想當年霆鋒出道無耐，同埋01年出席叱咤頒獎禮都係呢個Look示人，而呢次經典重溫，全因為呢次表演同佢合作嘅結他手一席話。原來呢位結他手10歲時買咗謝霆鋒第1張專輯，日前拎出來討論時，赫然發現封面就係這個復古髮型，因此霆鋒決定要重現經典。
有網民指熨斗整頭並唔係霆鋒所創，貼圖証明電影《富貴再逼人》中已經出現過。(影片截圖)
想當年霆鋒出道無耐，同埋01年出席叱咤頒獎禮都係呢個Look示人，而呢次經典重溫，全因為呢次表演同佢合作嘅結他手一席話。原來呢位結他手10歲時買咗謝霆鋒第1張專輯，日前拎出來討論時，赫然發現封面就係這個復古髮型，因此霆鋒決定要重現經典。
2001年謝霆鋒同樣以雞冠頭示人，出席叱咤頒獎禮。(網上圖片)
左熨熨右熨熨，三四十秒就得啦。不過，其實點解唔用直髮夾呢？(影片截圖)
藝人Set頭短則大半個鐘，時間長起上嚟兩三個鐘都係閒事。霆鋒上載一條43秒短片，首先見到燙衫板上鋪上1條白色大毛巾，霆鋒頂住半製成品雞冠頭枕喺上面，一手拎起熨斗往頭髮上一壓、一拉，髮絲就即刻定型硬晒，熨完左再熨右，得咗﹗起身照埋鏡掃多兩吓就掂晒啦﹗網友見到熨斗貼緊霆鋒頭皮真係標晒冷汗，霆鋒亦留言貼心提醒「以下節目部分內容涉及危險動作，切勿模仿，敬請家長留意。」其實今時今日直髮夾咁方便，點解佢唔用呢下？
潮流一向都係十幾廿年循環一次，2002年碧咸都係以雞冠頭示人，唔知2018會唔會再Hit過呢。(網上圖片)