【溏心風暴3】劇集收視低無有怕 無綫落實推出喜劇版舞台劇

撰文:張嘉敏
出版:更新:
唔知會唔會原班人馬上陣呢?

無綫50周年台慶重頭劇《溏心風暴3》終於播完,雖然收視不似預期,平均都係得廿幾點,不過TVB已經決定會再添食!大家唔使驚,暫時未有消息話會開拍第4輯,只是已經落實會開拍舞台劇啫。如果以舞台劇的演繹方式去演《溏心3》,那些鬧交戲份咪會嘈上加嘈?但今次這套溏心舞台劇未必會好似電視劇咁多鬧交戲喇。

舞台劇會係喜劇嚟。

於劇中飾演火姐的李司棋日前出席該劇的活動時,就透露公司確定會推出舞台劇版,仲話會以喜劇形式呈現出來。反而早前有傳會開拍的電影版就無晒聲氣。至於舞台劇的演員陣容就未正式公布,唔使問司棋姐同夏雨這些主角必定會有份啦。而憑住該劇人氣爆升的唐文龍,就話未收到公司通知他是否有份參演喇。

唔知陳敏之同唐文龍有無份演呢?
仲有黃宗澤同黃翠如。