【萬千星輝】真空上陣咁大陣象? 高海寧:件衫無嘢露,唔使打底

撰文:
最後更新日期:

《萬千星輝頒獎典禮2017》就快開始,個個行紅地氈都打扮得花枝招展,女藝人當然更加惹人注目喇!高海寧在行紅地氈時,除了十分密實之外,條裙仲相當貼身,懷疑真空上陣,究竟係咪呢?

其實都好靚!(陳順禎攝)

+3
+2

《香港01》立即找來高ling問兩句,她說:「「無之前咁性感,我好耐無性感喇,但唔知點解大家仲覺得我今次咁密實,其實今次已經算無咁密實,上次台慶我長袖㗎。其實我係刻意唔著太性感嘅,因為我都想大家專注喺我工作方面,唔想俾其他嘢搶焦點,所以今次特登揀呢件,靚咪得!(今日有無信心?)我一定話你聽有嘅,如果有獎緊係開心,係鼓勵嚟嘅,無獎都會替拎獎嘅人開心!其實今年競爭真係好激烈,馬明同浩信都係兩大熱門,真係好難揀,但我都有小小私心,浩信始終係《不懂撒嬌》嘅團隊,會多1%支持佢!我呢件衫無嘢露到出嚟,唔使打底㗎!(真空?)而家其實內衣有好多款,例如無痕喇,好平又方面㗎!今日呢件裙好穩陣,絕對安全。」

唔好再話高ling性感喇!

【萬千星輝】農曆年深宵播《不懂撒嬌的女人》 即係會大獲全勝?

【萬千星輝】田蕊妮今年強勢稱后! 分析對手點解唔夠佢鬥



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。