【萬千星輝】汪明荃爆seed講藝員心聲:加人工、山頭文化少啲

撰文:
最後更新日期:

《萬千星輝頒獎禮2017》有一個50周年的光輝大獎,叫做送畀台前幕後全部人員,由開台功臣羅仲炳先生同埋汪明荃汪阿姐分別代表幕後和藝員領獎。羅仲炳說:「我好榮幸可以代表所有幕後同事領獎,TVB 1967年開台,其實我喺1966年已經加入公司,可以話睇住公司出世。我哋歷年咁多位幕後同事,同公司一齊打仗,講起打仗,我印象仲係好深,因為1977年時電視係好競爭,呢場仗最後我哋贏咗,因為全公司上下一心嘅拼鬥,我就係叫TVB精神,亦係TVB嘅秘密武器。多謝公司經常俾幕後員工發揮,亦好接受我哋意見,令我哋創造咗好多項目,好多謝公司今次頒獎,證明我哋嘅努力。」

相關文章:

【萬千星輝】蔡思貝奪最受歡迎電視女角色:連自己都唔鍾意自己

【萬千星輝】最受歡迎電視男角色 馬國明奪獎無多謝心穎

【萬千星輝】唐詩詠終奪女主角 喊住多謝田蕊妮:聽我呻又陪我瞓

TVB咁耐,佢做足咁耐!(電視畫面)

汪阿姐就咁講:「呢個獎好特別,係今年新增嘅獎,好多謝TVB重視人才,我好榮幸代表過去50年有份參與嘅同事拎呢個獎。我1971年加入TVB,47年來我見過接近1萬名演員,有啲已經係國際巨星,有啲繼續打拼緊,有啲好可惜離開咗我哋,但係仲好多新面孔繼續接捧。我哋每一位喺TVB都付出好多努力,因為我哋知道做乜都好,最緊要係對得住觀眾,所以每一位同事拎呢個獎都係實至名歸。作為一個藝人我很感激TVB,呢度係一座少林寺,畀機會去發揮,但我都同時亦希望大家唔單止要做好本份,仲要不停增值。而家市場好大,TVB要繼續帶領整個市場,需要我哋台前幕後團結一致,一齊打呢場仗。呢度我再次代表各位藝人,多謝公司俾我哋肯定,亦希望公司好好珍惜每一位,雖然我哋好捱得,如果公司人工可以加多啲啲,休息時間多啲啲,關心多啲啲,山頭文化少啲啲,一定可以留到更多人才,士氣更加高漲,我哋可以好自豪咁講我係來自TVB!希望我哋可以台前幕後上下一心同TVB創造更精彩嘅第二個50年。」相信汪阿姐講出唔少人心聲。

相關文章:

【萬千星輝】楊明提名5次飛躍終於攞到:大家敬老啫!

【萬千星輝】麥美恩爆冷奪飛躍女藝人 台上爆喊:多謝巴打絲打

【萬千星輝】非戲劇獎全部大熱 《do姐再shopping》拎獎好正常

【萬千星輝】朱晨麗爆大冷得女配 多謝珍姐督促改正咬字

汪阿姐講得好!(電視畫面)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。