王祖藍獲邀做政協：希望可以為北上嘅藝人爭取更多機會
撰文：鄺鈺瑩
出版：更新：
王祖藍因要準備新戲同想生B，所以今年想多點時間留在香港，但如今被「特邀」做政協，請問佢打算點分身？（資料圖片）
近年主力發展內地市場的王祖藍，2016年夥同邵氏兄弟電影公司合資設立「手工藝創作」公司，旗下藝人有廿人，當中包括金剛、阮兆祥、林欣彤等，務求歌影視都能兼顧。去年，祖藍為劇集《老表，畢業喇！》接受《香港01》訪問時，談及公司過去一年多的業務發展時，自認「暫時做得唔係咁好」的他，一直在尋找解決辦法，並希望旗下藝人都可以在舒適的環境下工作。
《廣西日報》內的政協名單。（網上圖片）
而將於下月舉行《福祿壽十周年演唱會》，近日宣傳時，王祖藍頻頻以「梁浸英」扮相出現，而咁啱，今日內地的《廣西日報》指出，第十二屆廣西壯族自治區政協名單中，王祖藍將以「特邀人士」身份躋身委員，此外「玩具大王」蔡志明之子蔡加讚、賭王何鴻燊兒子何猷啟、Neway集團薛嘉麟等亦在名單之內。
對於升呢當廣西政協一事，王祖藍透過電話回應時就話：「自己都好感恩，近年在香港同內地都累積了不同的工作經驗，嚟緊如果可以服務大家，我都好樂意做，希望可以為北上嘅藝人同年輕人，爭取更多合作嘅機會，同埋加強各方面嘅溝通。」