【仙后餐廳】網民關心降兩度多過軒仔 張敬軒:佢份人古靈精怪

撰文:
最後更新日期:

一入餐廳,就被呢盞水晶燈同彩繪玻璃震懾到。(陳順禎攝)

張敬軒有份投資的「仙后餐廳」上星期終於開幕。好高與在餐廳開幕之前,有機會踏足如此雍容華貴、充滿復古味道的地方跟軒仔做訪問。在準備之時,記者身邊正有一個軒仔的die hard fans,對偶像的喜愛程度直逼鑽石級。她得知我將會接觸軒仔,當下手舞足蹈之餘,還嚷著:「師傅師傅我有嘢問!」當然她的問題顯得相當迷妹,「軒仔嘅擇偶條件係咩呀?唔知我係咪佢講嗰個呢…哈哈!」在充滿FF的情況之下,又在網上搜集網民對軒仔的迷思…精心挑選了終極兩條問題問下軒仔,而他的反應相當可愛!

+5
+4
+3

怪癖未必人人有,但軒仔的怪癖卻是很常見:「我一諗嘢就會咬手指。」而他咬手指是無意識的,「唔關緊張事㗎,個腦一有運作就會咬,好似load緊部機咁。」未知有咬手指習慣的人,是否都有同樣跡象?另外,軒仔笑言自己好「嗅米氣」:「我上台前一定要食飯㗎,有時會食一碗,有時又會食兩碗,唔食嘅話我真係會暈㗎,因為我試過真係會虛㗎,試過喺台上覺得唔對路,搞到要死頂,但係食其他嘢呢又唔得㗎,試過朱古力又冇咩用。」不過,上台都要體力,保持血糖水平都正常嘅。

其實張敬軒好留意啲網民講咩㗎!(陳順禎攝)

另一方面,其實自從軒仔介紹「好朋友」降兩度跟大家見面之後,大家對她/他都充滿好奇,因為熱切想了解降兩度的底世,加上每次她/他出現時,表現十分冷豔,令人覺得降兩度有可能是港女。網民關心神祕的降兩度多過軒仔喎,軒仔又有甚麼看法呢?「『港女』…好衰呀!其實我唔係好鍾意啲人用『港女』形容香港女仔,如果『港女』係帶有貶義的話。因為大家應該未見過真係難搞嘅女仔。」至於降兩度的終極身世,軒仔都傻傻分不清楚:「佢係男定係女呢,我都唔係好清楚,未有機會去了解佢。而且佢都係一時時㗎咋,有時古靈精怪,有時陰陽怪氣,等我問下佢先,有機會見到佢,或者我睇下可唔可以將佢驗明正身。」降兩度的演唱會將會在六月舉行,如果fans見到軒仔的答案,到時會否叫降兩度「除衫」呢?

唔講唔知,其實呢個係餐牌嚟,好別緻好detail㗎!(陳順禎攝)

特別鳴謝:
髮型:張敬軒
化妝:張敬軒
場地:仙后餐廳



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。