JW王灝兒Fans年齡層愈來愈闊:依家出街有叔叔姨姨同我打招呼!

撰文:冼燕珊
出版:更新:

JW王灝兒日前喺Instagram貼出一系列歌迷俾佢嘅文同留言,睇落粉絲嘅年齡層都好廣闊,有初中學生,又有中年姨姨,JW好感動話:「發現原來努力真係可以改變一個人對你嘅印象。好多野唔係即刻有回報,但係只要你一路堅持,一路繼續做好自己,總有一日係會打動到人!」

JW在Instagram上載歌迷讚賞 她的文字。(IG圖片)
JW出席慈善活動記招。(梁碧玲攝)

JW今日出席「慈善星輝仁濟夜」記招時,就好開心咁話發現其實粉絲嘅年齡層一路咁擴張緊:「之前我啲粉絲最細我估去到中五度,估唔到依家啲中一中二嘅學生都開始鐘意我。」啲歌迷唔知愈來愈細,仲擴展到中年級別:「依家出街有啲叔叔姨姨同我打招呼,我好Surprised呀,無諗過佢地都有留意我。」JW仲話連父母啲朋友都開始問佢拎簽名添!

JW 咁sweet,難怪歌迷年齡層咁廣泛。(梁碧玲攝)
+1