林峯加盟古天樂旗下 《尋秦記》主要角色集齊開續集不是夢?

撰文:鄺鈺瑩
出版:更新:

神劇《尋秦記》網友一向力捧,又十分希望開拍續集,可惜各位主要演員一係退隱,一係經理人公司各有所屬,要一班人再聚合似乎有難度。

不過最近機會終於出現啦,近年在電影圈大展拳腳,又不斷簽入藝人的古天樂,除之前簽入宣萱後,最新買入對象就係剛跟英皇滿約的林峯。而碰巧林峯今日出席記者會時,古天樂經理人Ronnie全程照顧,答案似乎呼之欲出,林峯就話:「我係同宣萱一樣,簽咗古天樂個經理人,因為我入TVB時,佢係第一個睇我嘅經理人,咁多年都一直有保持聯絡,至於個人工作室,就唔會搞住啦。」有宣萱又有林峯,再加多個古天樂,陳鍵鋒又長期在內地拍劇,睇怕古仔一吹雞都隨時ready,另一主要女角雪兒又同古仔關係良好,《尋秦記》角色都幾乎集齊,獨欠嫪毐江華呢個不明因素,計計下,睇嚟開《尋秦記》續集都不是夢。

林峯自覺著起警察服係有型。(梁碧玲攝)

此外,近年主力內地市場的林峯,今年終於喺香港有作品推出,參與由英皇、優酷合作的網劇《PTU機動部隊》,劇中飾演警察臥底的他,今日以警察look現身記者會,非常有型。訪問時,林峯表示雖然係拍劇,但每日開工都似拍戲,並指因為要用廣東話對白,所以不時食螺絲。林峯過往在不少劇集也曾飾演警員,但一直未有機會著上制服,問他對於自己的PTU造型有什麼評價,他笑言「確係有啲型」,又指自己小時候也幻想過做警察。

 

差不多5年無喺香港拍劇的林峯,終於有搞作,今次仲同蔡卓妍、方中信等人合作。(梁碧玲攝)
+9
古天樂與經理人Ronnie。(視覺中國)
林峯表示已簽約古天樂經理人Ronnie的公司。(梁碧玲攝)
發表評論...