【萬千星輝】蔡思貝唔怕負面批評 忽然好感觸：請不要氣餒
撰文：張嘉敏
出版：更新：
蔡思貝對於自己得獎都好意外。
蔡思貝憑住無綫劇集《踩過界》所飾演的趙正妹 (癲姐) 一角勇奪《萬千星輝頒獎禮2017》最受歡迎電視女角色獎項，呢個賽果不止令一班觀眾同網民大跌眼鏡，就連思貝自己都好意外，當晚她得知自己得獎時表示得相當愕然，隨即激動得眼紅紅咬住唇強忍眼淚。而在台上她更坦言曾因為外界的負面批評令到自己都唔鍾意自己，全靠癲姐呢個角色才令她鍾意返自己。
思貝面對負面批評一度唔鍾意自己。
思貝今日又再有感而發，於她的facebook繼續剖白得獎心情，內容充滿了正能量。她上載了兩張頒獎禮當晚奪得獎項的相並留言表示：「睇返自己得奬講詞，有些說，唔知我講乜；有些說，好感觸，被感染了。我相信當時那一刻的我，表達能力冇去到100，但固中意思是想鼓勵所有覺得自己“不幸”的都其實有自己獨特的幸運，請不要氣餒。我不是很成功，沒資格說什麼，但我有勇氣咁醜怪去分享自己嘅經歷，係因為有時候，一個故事一句說話，可以影響好多人，賦予一個希望。」
一定要繼續努力，多謝每一個你。
#努力去燃燒 #我不怕老土 #只有一個青春一個生命 #萬千星輝頒獎典禮2017
思貝付出咗好多努力。
思貝自覺幸運。
思貝當晚致詞講感受。