【平安谷】成日被鬼壓 陳瀅：見到啲唔應該見到嘅嘢，已經慣咗
撰文：黃梓恒
出版：更新：
《平安谷之詭谷傳說》講到了一個以前的習俗，便是殉葬，而劇面的青蘭（陳瀅飾）便是第一個身受其害的女子。當時的劇情十分陰森恐怖，除了氣氛之外，真的在夜麻麻有一個墳墓，入面有個棺材，陳瀅真係要成個瞓落去，如果有些人心理關口過唔到，真係好難拍這場戲。
唔係人人都有勇氣咁做！（電視畫面）
+2
所以其實陳瀅內心都十分之驚，不過為了專業精神也豁了出去，在接受《香港01》訪問時，她說：「我今晚係最後一日喇，我想講呢套劇雖然我拍嘅唔多，但絕對係最辛苦嘅一套，因為其實拍落係有啲唔舒服，我真係要跌落個墓地入面。仲有一場要喺個墓地爬返出嚟，喺啲泥度躝返出嚟，你諗吓嗰陣已經好夜好夜，喺呢啲地方有個洞，仲要有雨水，再用手喺個洞度搲走啲泥躝出嚟，真係好辛苦，同埋驚，我著住套裙褂㗎嘛，真係好難忘。不過我見到好多網民同朋友睇完都話好驚，好恐怖，我覺得都算做到嗰樣嘢出嚟，因為嗰陣我真係好驚。」
你嘅努力觀眾係睇到㗎！（梁碧玲攝）
+1