【仙后餐廳】張敬軒成日同人撞樣　最愛原來係球星卡卡：佢最靚仔

個個都撞樣，唔同個個都想撞樣？雖然這句話已經太out了，可是對於張敬軒來說，正常過正常！還會找自己的分身放在Instagram上自抽一下。最經典就是軒仔模仿Emma Watson低胸Look，當時身處東京的他，忽發奇想將第二日的早餐用作素材，即場來個low cost cosplay（低成本模仿人物），軒仔笑言：「當時我喺日本，就諗點樣先扮得似呢，於是我就諗麵包就擺喺頭上喇，咁擺咩喺個身度呢？我就有兩個plan嘅，一個就係烏冬，可以係lowcostcosplay，另一個就係裝水果嘅網，但係又搵唔到太多材料，所以就地取材，就用咗紙巾，都係for fun㗎咋。」

而記者同軒仔玩個小遊戲，除咗認得自己其中一個分身Emma Watson之外，其他例如球星卡卡、比比、宋芸樺等，都不太認得。軒仔更搞笑地將宋芸樺認錯做張靚穎…咦咪即係多一個人同佢撞樣？不過，仲有分身令軒仔好深刻，就係年輕練馬師麥偉利，他說：「佢係新一代好出色嘅練馬師，我有約過佢，出嚟飲嘢或者教我騎馬，可惜佢喺香港冇牌，所以佢就要走。」而咁多個分身，佢就最鍾意退役巴西足球運動員卡卡：「佢最靚仔最似我！」他提起出撞樣的ig post打大量hashtag時，都會「笑到gap gap聲」，仲話搞笑時記得要「一定要自己開心，先可以令其他人開心」。

講完軒仔身上有搞笑因子之後，就要說說他認真的一面，他的認真不只用於作曲、音樂層面。最初籌備餐廳時，軒仔親自搜羅裝修素材，而餐廳內的檯布，都由軒仔親自鋪，他發現當中都有學問：「我記得第一次鋪檯布都花咗唔少時間，中式同西式都有唔同鋪法，而西式多數都係方型嘅檯，而鋪嗰時個竅門就係，拎起檯布嘅尾端，然後放上檯個中間對摺，咁樣先可以確保張檯可以四邊長度一樣。」熟能生巧，而家軒仔鋪檯布已經係大師級喇。