江嘉敏頭痛又肚痾　原來為食之過：今晚再同廁所做朋友

無綫小花江嘉敏 (Kaman) 近排的健康運似乎麻麻，繼早前生眼瘡要做手術割除之後，今日她又病了。Kaman於她的Instagram限時動態上載了一條短片，一開始影住她好開心咁拿住筷子準備開餐，點知鏡頭一轉就影住她扁扁嘴皺晒眉的樣子，並寫住「今日頭痛，今日肚痛」，最後仲寫住「為食的代價，今晚再同廁所做朋友」，好慘慘豬呀。未知她是因為食得太多食滯了，抑或是食錯嘢唔舒服，雖然她的病樣依然係咁靚，不過都希望她早日康復啦。