發呆大賽3月開香港站 天然呆馬國明自稱必勝：我可以全日發呆
撰文：郭敏玲
出版：更新：
馬國明最出名的發呆，一定流芳百世。（網上圖片）
早前香港有大學生靠發呆衝出國際，讓香港700萬人驚覺原來發呆都可以咁好玩。而國際發呆大賽已經來到第六屆，今次來到香港站，並於中環摩天輪之下進行，鍾意發呆的朋友終於又要高叫「機會嚟喇！飛雲！」，不過講到香港發呆界代表，就當然是馬國明喇，比賽費用全免，確實好吸引。咁馬明會唔會有興趣參加？
天然呆睇幾百次都唔會厭㗎。（陳順禎攝）
至於本地發呆王者、天然呆KOL馬國明，就好認真地回應：「我發呆時間好長㗎，有時全日都發呆㗎！所以如果我參加一定贏呀！不過我就唔會參加喇，因為小李飛刀通常就唔會參加飛刀比賽嘅…」馬國明答完之後，講多句：「呢個答案係咪好funny呢！哈哈」佢真係好可愛呀……!!
+7
馬明的發呆經驗豐富真係有往績支持，向來發呆當食生菜的他，成績非常優異。其中一次就是2012年的《萬千星輝賀台慶》，馬明得知黎耀祥得到視帝，他當場發呆，而且O咀一段時間，從此一舉成名，成為了「灰足36小時」，開始有天然呆之稱。而馬國明在2013年又再大展呆功，當他得知沒有到場的黃子華得到視帝後，雖然沒有O咀，但從他的表情可以看到，其實他好震驚，而他的發呆履歷表又更加豐富。