唐詩詠慘成網絡欺凌對像 新視后自白:我最擔心係爸爸

撰文:
最後更新日期:

唐詩詠話有為評論唔開心,但會努力進步,希望得到大家認同。(江智騫攝)

本來得獎係開心事,但TVB歷來有唔少藝人因為得獎而被網民討伐,人氣不升反跌,獎項反而成為一個魔咒,好似唐詩詠本來人氣相當不錯,入行多年零負評,但當佢登上視后寶座之後,就好多引來撻伐之聲,而對負評,Natalie今日出席活動就話:「當然會唔開心,但我最擔心嘅係我爸爸。」

原來唐爸爸剛剛學識上網,Natalie好擔心佢見到啲負評:「自己作為藝人識得點去面對呢啲評論,但爸爸唔係藝人,佢唔識得去處理,好擔心佢會唔開心。」不過因為Natalie喺頒獎禮完咗之後就病咗,每日都瞓喺床上休息,所以未有好多時間開導爸爸。

【萬千星輝】唐詩詠終奪女主角 喊住多謝田蕊妮:聽我呻又陪我瞓

詩詠俾人話蔡思貝拎獎時佢黑面,佢解釋咁啱M痛。(江智騫攝)

講起Natalie唔舒服,有網友話頒獎禮嗰晚,當宣佈蔡思貝奪得我最喜愛女角色獎時,Natalie黑面,引起粉絲罵戰,Natalie解釋話:「其實咁啱星加坡同香港嘅頒獎禮都撞正女人唔舒服果日,我都解釋咗俾嗰位網友知,希望大家明白。」其實唐詩詠都捱咗好多年先有今日,大家都係唔好咁針對詩詠啦。

+4
+4
+4

詩詠最擔心爸爸睇到啲負評,因為驚佢唔開心。(江智騫攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。