【平安谷】肥貓德德賣萌仲識演戲 想氹掂佢除咗零食仲靠一樣嘢？
撰文：陳浩賢
出版：更新：
無綫熱播的劇集《平安谷之詭谷傳說》，雖然講的是村內男女不平等的故事，想不到在陳凱琳、蘇玉華、陳瀅幾位主要角色以外，率先引起觀眾關注的是三奶奶朱晨麗飼養的肥貓德德，這隻重量級貓咪，圓碌碌成個波咁相當可愛，而且牠不但識得賣萌，最重要是識得做戲。其實德德真名是「寶貝」，據牠主人Mandy所講，原來寶貝咁乖全靠一樣嘢，就係比貓草強勁10倍的「蟲癭籽」。
朱晨麗有養開貓，所以寶貝都好黐佢。
該劇監製陳耀全接受《香港01》訪問時，表示「貓比狗更難拍，因為狗演員多數受過訓練，而貓天性好難訓練嘅，所以都要用食物引下佢哋。」不過要拍貓咪都有一定難度，始終要牠面對一班陌生人，但寶貝在多場戲中都有出場，而且識得走位，又識得望鏡頭，還有眼神都一樣交到戲，所以監製陳耀全見親寶貝都要抱住四圍走，但抱一陣又會覺得手軟，相當搞笑。
+5
相關文章：
【平安谷】肥貓德德識望鏡頭交到戲 網民笑朱晨麗最大作用係抱貓
【平安谷】監製陳耀全透露德德係關鍵角色 「佢會幫到受傷小璇」
寶貝算是相當乖巧，給祥仔抱住一起演戲。（網上截圖）
寶貝天生有演藝細胞，連眼神都有戲。（網上截圖）
陳耀全話最記得其中一幕要寶貝跟阮兆祥做對手戲，而且寶貝還要好黐祥仔，又在他腳邊廝磨，為何寶貝完全不怕外人，仲可以如此入戲。問返寶貝主人Mandy，她說通常做完戲之後，都會有零食獎勵，「嗰場戲寶貝咁黐阮兆祥，其實係用咗比貓草強勁10倍的蟲癭籽，再放喺阮兆祥褲腳同鞋裡，貓咪係好鍾意。」最搞笑去到錄影廠，人人叫寶貝做德德時，寶貝又識得俾反應，確實是天生的明星貓。