【太陽的後裔】劉大尉中槍瞬間收視39.9% 劉亞仁終於出現了
撰文：鄺鈺瑩
出版：更新：
第13集最後一幕講到喬妹要返醫院開工，轉頭就已經見到滿身鮮血劉大尉被送到醫院。（網上圖片）
宋慧喬準備接收傷者時，驚見中了槍傷滿身鮮血的宋仲基，觀眾應該跟住一齊心碎，再大叫唔好。（網上圖片）
團結！《太陽的後裔》昨晚播映第13集，故事講到雙宋先後返回韓國，正當觀眾睇完雙宋、久媛的Double Dating一幕，男女間惹笑對話令觀眾有一刻輕鬆，以為可以有一段「粉紅劇情」；結果換來劉大尉中槍畫面，真係睇到心碎，而劉大尉中槍後，滿身鮮血後被送到醫院一幕，錄得全集瞬間最高39.9%收視率。而第13集全國平均收視率為33.5%，比第12集33%收視高出0.5個百分點，創下開播以來的最高紀錄。
愛奇藝剪走「朝鮮」內容
此外，愛奇藝雖然說是與韓國同步直播，但昨晚講到劉大尉在朝鮮平壤出任務一幕，就完全被消失，香港劇迷如果想睇「完汁完味」，可以收看ViuTV吧。而最新消息透露，片商已落實翻拍中國版的《太陽的後裔》，粉絲金睛火眼看實的，當然就是由誰來演出劉大尉、姜醫生，以及「久媛」情侶了吧。
劉亞仁終於出現了，雖然他早前就說過自己客串的角色唔多靚仔，但短短1分鐘的戲分，依然十分擔鏡。飾演銀行職員的他，拒絕了喬妹的貸款申請，更指她是無業，激到喬妹出煙。（viu.com提供）
「救援CP」在車廂錫錫一幕，收視亦都唔錯，有35.2%。（網上圖片）