汪明荃做柴可夫司機夠親民 陸浩明受寵若驚拍片曬命
撰文：洪曉璇
出版：更新：
提起汪明荃，大家會聯想到咩關鍵詞？熱咖啡？經過那些年？有霸氣？早前汪阿姐喺無綫頒獎禮上，公開呼籲TVB「加人工、減工時、少啲山頭文化」，令網友支持度大增。呢日陸浩明上載一段限時短片，仲揭露阿姐熒幕背後親民一面。
陸浩明陳敏之，孖住汪明荃及鄧梓峰擔任慈善節目司儀。(陸浩明Facebook)
【慈善星輝仁濟夜】汪明荃出力籌款 開場再唱「經過那些年～～」【慈善星輝仁濟夜】張敬軒高水準演出《缺》 好期待六月演唱會
出場前喺後台時，陸浩明已經拉住汪明荃拍片。(陸浩明IG)
剛過去嘅星期六晚，汪明荃為《慈善星輝仁濟夜》做開場嘉賓，同一班小朋友合唱首本名曲《華麗轉身》。仲要拍住陸浩明、鄧梓峰、陳敏之擔任司儀，其實以阿姐嘅年資地位，真係大可以客串下休息多啲，不過佢依然每次現身都全力以赴做到最好，仲做足100分添。完騷後6號上載一條短片，寫上：「阿姐送我返屋企…好感動」見到6號坐喺副駕駛座舉晒V字，阿姐就專心揸車，除咗葡萄都唔知講咩好啦，今次又真係抵6號咁得戚嘅﹗
可以見到完騷後阿姐戴住眼鏡專心揸車，陸浩明就喺旁邊拍片。(陸浩明IG)