張致恆試過窮到無錢畀家用:好多謝屋企人對我一直以嚟嘅包容

撰文:
最後更新日期:

Boy'z嘅關智斌同Steven依家都喺大陸闖出成績。

前Boy'z成員張致恆 (Steven) 入行多年,一直浮浮沉沉,事業不太有起色,直至最近於內地發展終於闖出成績,擔正做網絡電影男主角拍完一部又一部。Steven接受香港01記者訪問時透露曾經度過了幾年窮困日子,連續3年月入得2、3千蚊,坦言:「真係好難捱。」那麼身為他的屋企人又怎樣去支持他?他又有否畀家用屋企呢?Steven說:「其實以前一出道時,屋企嘅家用都係我負責嘅,但係依家我都覺得好愧對自己嘅屋企人,尤其是我家姐啦,因為佢依家算係畀家用嗰個。就算到依家都好,我嘅收入其實都唔係好多,有時出糧出多啲,我就會畀多啲屋企,但如果真係唔夠,自己都未夠嘅話,我都會同家姐講嘅。」

Steven好多謝屋企人嘅支持,尤其係佢二家姐Jan。

Steven很感激有家姐跟他分擔照顧屋企的開支:「呢十幾年以嚟我最要多謝嘅,係我屋企人,尤其係我二家姐Jan (張詠恩),好多謝佢一直以嚟對我嘅包容。唉,無咗呢啲家姐,細佬我都唔知點算。」當然做家姐的亦有經常提點Steven,Steven笑言:「成日都鬧我㗎,叫我咪咁貪玩囉,聽得最多就係呢啲,其實身邊所有人都係講呢句,係自己貪玩囉。」

Steven話自己依家收入都唔算好多。

佢喺TVB都有節目㗎。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。