張致恆無悔曾經貪玩:好多謝以前嘅自己帶嚟嘅教訓,先有今日嘅我

撰文:
最後更新日期:

Steven在大陸發展闖出一片天。

前Boy'z成員張致恆 (Steven) 入行多年,歌影視三棲,但令人印象最深刻的,卻似乎並非他的工作,而是他貪玩愛媾女的形象。直至最近Steven才成功洗底,全力拼搏事業的他,又在內地拍了兩部網絡電影兼擔任男主角,事業發展都叫做有些成績,大家亦開始留意返他的工作。是否現在終於生性了呢?他說:「我個人覺得每一個人都會有想玩想休息嘅時候,同埋每一個人都有佢自己嘅性格。咁依家嘅我,好希望可以有一個唔同嘅我出現,始終今年都34歲喇,好想喺工作上可以有啲突破,所以都好畀心機去做。」

Steven想在電影上創出成績。

而對於過往貪玩的日子,Steven又會否覺得自己確曾浪費了不少時間?他說:「無得後唔後悔有無浪費過時間,因為每個人都總會有浪費時間嘅時候,睇你覺得重唔重要囉。始終無以前嘅一啲經歷,都唔會有今日嘅我,所以我好多謝以前嘅自己畀我咁多嘅教訓,咁多嘅經驗,而令到今日嘅我會有一個沈實又踏實嘅諗法。」

Steven多戲以前嘅自己成就咗依家嘅佢。

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。