郭富城預告年底開巡唱 追多個小朋友順其自然
撰文：冼燕珊
出版：更新：
郭富城今日一身紅色衫，出席新春活動，城城話過去幾年新年都好忙，工作中度過，但去年成家立室又做埋老竇就唔同講法喇：「今年嘅新年同往年好唔同，屋企添咗個小成員，熱鬧咗好多，媽咪同我都好開心。」咁不如再生多個，咪更熱鬧啲囉？城城坦言都有咁嘅打算，但一切順其自然咁話。
城城一身紅色衫迎新春。（陳禎攝）
郭太方媛日前喺微博表示可能由於坐月坐得唔好，所以搞到一彎腰就痛，城城回應都話心疼太太:「為人母親，真係好辛苦，為小朋友付出好多心血，我會好好對待身邊嘅人，希望佢可以早日好返。」
城城話都想再追多個小朋友。（陳禎攝）
有咗家庭之後，城城並沒有鬆懈，佢話因為家庭而更加努力工作:「今年年底會舉行巡迴演唱會，預計先開50場，今年還暫定拍三部電影，所以拍完戲先搞演唱會。」
城城心疼老婆方媛生完囡之後開始腰痛。（陳禎攝）
相關文章：
+3
城城預告年底開50場巡迴演唱會。