《和遊記》吳漣序眉毛要自然 崩眉冇修飾掀韓流化妝新指標?
撰文：冼燕珊
出版：更新：
近年韓風盛行，韓系一字眉都興咗幾年，中港台上至女星，下至素人，都畫一字眉示人，韓系彩妝亦成為亞洲流行指標，不過疑似出現新興眉型，最近大熱嘅韓劇《和遊記》中，女主角吳漣序一對眉毛，就似乎唔係跟以往嘅潮流，甚至可以話係開創一條新路，不過靚唔靚就見人見智喇。
韓劇《和遊記》女主角吳漣序一雙眉極不對稱。（網上截圖）
由人類對化妝有認知以來，無論眉形點變，有一樣不變嘅，就係就算個人本身雙眉生到幾巖巉都好，都要將佢畫返工整對稱，但係睇返吳漣序雙眉，雖然係有畫到，但係毫不對稱，高低眉不特止，而且右邊條眉頭仲崩咗少少，竟然完全沒有修飾，反而順住佢本身眉毛嘅缺憾畫返出嚟。韓風祟尚表現自然，追求化咗好似無化嘅效果，呢種風格依家燒去眉毛呢PART，呢種新嘅畫眉方式，似乎將「自然美」發揮到極致，對於化妝界一直以嚟追求眉型對稱嘅堅持，無疑係一個好重大嘅衝擊。
工整的韓系一字眉興咗幾年，好多女星都鐘意以此眉型示人。（微博圖片）
吳漣序一雙眉形充滿缺憾美，唔知呢種咁自然嘅畫眉方式，會唔會掀起新嘅韓妝熱潮呢？（網上截圖）
呢種咁自然嘅畫眉方式，對於化妝界一直以嚟追求眉型對稱嘅堅持，無疑係一個好重大嘅衝擊。（網上截圖）
劇中除咗吳漣序之外，飾演馬秘書嘅李伊，佢對眉都係偏向自然，跟返自己眉型畫，沒有太多修飾，甚至乎連牛魔王心心念念嘅羅剎女，對眉都係唔公整的。
唔止吳漣序，劇中飾演馬秘書嘅李伊，佢對眉都係偏向自然，跟返自己眉型畫，沒有太多修飾。（網上截圖）
網上截圖
有人話吳漣序有一個「臉盲樣」，一時似金喜善，一時又似宋茜，而筆者有時就覺得佢真係好似惠英紅，但佢條充滿缺憾美嘅眉，又提高佢嘅辨識度，缺點反而成為優勢。唔知呢種貼近天然嘅「缺憾眉」能唔能夠掀起新嘅韓妝熱潮呢？如果得嘅話，無疑係一眾手殘女嘅福音。
【萬千星輝】胡定欣短髮收埋100枝髮夾 深夜直播拆到手軟
胡定欣100枝髮夾變短髮 激讚御用髮型師 ：佢喺我心目中係神！