【平安谷】港男陳偉洪入行9年 　唔怕冇角色：做得呢行預咗要捱

「我而家一出去，都仲有人記得我做過《點解阿Sir係阿Sir》㗎。」陳偉洪（Calvin）滿足地說。可是《點解》已是2011年的作品，而他最近在《平安谷之詭谷傳說》亦有演出。在7年間，Calvin還等待運氣的來臨。

陳偉洪是2009年香港先生少年組冠軍。當港男還分「少年」、「盛年」的年代，你或會感到歷史的久遠。雖然港男多次彈出彈入，但復辦時依然有人參加。皆因對娛樂圈有興趣的人來說，可以借港男作為跳板，成為一種讓事業發光發熱的迷徑。不過，隨時間遠去，歷史也可證明「港男」沒有如「港姐」般，有著強而有力的光環，沒有一炮而紅的保證，陳偉洪對此有著相同感受。由勝出到加入藝訓班，如今快要來到第10個年頭，他承認港男不是太吃香，「每個人嘅路其實都唔一樣，而且每年總會有新嘅人加入。」

對於陳偉洪來說，目前最滿足的成就，是《點解阿Sir係阿Sir》的蔣進，有人記得就是努力的證明。不過踏入第十年，蔣進之後另一個高峯，似乎被懸空了。而陳偉洪不介意：「其實做得藝人，都預咗會捱。捱幾耐就冇人知，因為每個人嘅運氣都唔同。」甚麼是運氣？陳偉洪的定義就是：「我只係想有一個可以發揮嘅角色。」演員的位置很被動，陳偉洪的說法似乎只有等。那麼，如何縮短等待的過程？他說：「冇㗎，咁咪去增值自己。機會從來都係畀啲識得多嘢嘅人。」

陳偉洪目前只簽藝員合約。在日常生活上，Calvin自言可以應付得到：「合約上面都有底薪，對我嚟講係ok。因為我本身個人都比較慳，會喺屋企煮下嘢食，所以問題都不太。同埋我日常都有喺出面拍下嘢咁，當做賺下外快咁。」聽陳偉洪口吻，擔不擔正做男一、可否上位爆紅…名利並不是他最關心的；能夠在TVB做到他喜歡的工作，遇到一個發揮得到的角色，才是最重要。