湯洛雯返工識到姊妹好開心　讚黃心穎：佢係可以傾心事嘅好朋友

湯洛雯於無綫新劇《丫鬟大聯盟》與謝東閔飾演情侶，不過，謝東閔今日於記者會上笑言所有香豔戲份都唔係同湯洛雯發生。訪問時，湯洛雯笑言好恨有香豔場面，奈何自己於劇中非常專一同保守。「自己同心穎反而有床戲，因為我同佢瞓埋一張床。」湯洛雯表示非常開心再與黃心穎合作，更指對方是可以傾心事的好友。

據湯洛雯透露，她於《丫鬟》的戲份比《燦爛的外母》更多。「愈來愈機會試不同的東西，自己都開心，兩劇都係同一個監製，溝通亦都會變多。」她指時裝劇雖然較為輕鬆，但自覺古裝造型更適合自己，加上古裝較為講究，所以如果要揀的話，她也會想多拍古裝劇。

《丫鬟》開拍在即，湯洛雯預計情人節也要開工，但她直言沒所謂。「自己重視聖誕節多一點，但埋兩個人一齊開心的話，日日都可以係情人節。」