余文樂帶老婆王棠云出席公司團年飯 舒淇同場未見馮德倫
撰文：冼燕珊
出版：更新：
雖說新年將至，但都仲有成半個月，已經發現大家開始陸續約食團年飯，新晉人夫余文樂，琴晚就於Instagram上載咗佢同舒淇嘅經理人公司團年飯，佢仲帶埋老婆仔王棠云出席，同場仲有另一位人妻舒淇，不過好似唔見老見馮德倫，從大合照見到樂仔同舒淇班同事人人手拎一疊500至1000港幣利是，相信大家都滿載而歸。
余文樂攜妻王棠云出席公司團年飯，舒淇同場，未見老公馮德倫。（IG圖片)
樂仔自己從結婚之後，去到邊都帶住老婆，王棠云亦樂得做跟得夫人，以前樂仔俾人印象係不羈男神，即使佢結咗婚之後，都有不少人唔睇好佢會收心養性，但樂仔似乎以行動打破流言，不時於網上炫妻，甚至在結婚一個月紀念時，專程訂扎花俾老婆，跌破不少人眼鏡。樂仔今年第一年以人夫身份派利是，唔知佢鬆唔鬆手呢？
余文樂ig曬老婆合照好幸福 獲封「曬妻狂魔」好霸氣 「最後的壞孩子」余文樂結婚後 香港影壇剩下的10種男人 【余文樂結婚】閃婚迷思：真係對準Timing咁簡單？
自從樂仔結婚之後，成日喺IG炫妻。(IG圖片)
IG圖片