【姐妹情深】胡說八道會又去旅行 Book三萬蚊晚酒店為李施嬅慶生

撰文:
最後更新日期:

無綫出名多小圈子,講緊嘅係唔同嘅閨蜜團啫,除咗最近晚晚睇《平安谷之詭谷傳說》見到嘅少婦聯盟,仲有人強馬壯嘅胡說八道會,去年胡杏兒挺住籮咁大嘅肚,孖住好姐妹胡定欣、姚子羚、胡蓓蔚、黃智雯、李施嬅飛到澳洲拍攝旅遊節目《胡說八道真情假期》。雖然台慶就無獎攞,不過就令觀眾知佢哋幾咁姐妹情深,最近佢哋又去旅行,仲大解放上載泳衣照添﹗

好姐妹咁有心陪出trip慶祝生日,李施嬅心情大靚亦相當感恩。(李施嬅Facebook)

【胡說八道真情假期】閨蜜出遊勁開心 孕婦杏兒激動嗌肚痛【胡說八道真情假期】姚子羚同男友蜜遊 李施嬅死跟:無人同我去

簡單嘅黑白造型襯上淡妝,有姐妹陪住點樣慶祝都咁開心啦。(李施嬅Facebook)

每次胡說八道會中有人得獎,其他幾位簡直開心過當事人,真係姐妹情深。2月12號係李施嬅37歲生日,胡蓓蔚、黃智雯同埋姚子羚就提早為佢慶祝,排出空檔陪壽星女飛到泰國布吉Resort嘆世界。雖然胡杏兒胡定欣未能同行,都無阻佢哋興奮心情,4個人輪住上載靚相,有晒Dress Code黑白服飾同Selena食個靚晚餐,壽星女都相當開心,留言話:「第一個生日慶祝,完美,感恩。」

胡說八道真係極少泳衣亮相,次次都要等佢哋去旅行先會大解放。(李施嬅Facebook)

唔少得嘅當然係喺Resort瘋狂影相,其中一張係4位花旦罕有著上泳衣,於私人泳池邊擺晒Pose留影。當中以姚子羚同豹嫂胡蓓蔚三點式上陣,大曬完美身型最為吸晴。勁鍾意好旅行嘅香港人,見到佢地酒店房靚相真係無辦法唔心心眼,上網睇番資料,呢次佢地入住嘅酒店,係位於布吉私人海灣嘅奢華級度假村,長踞旅遊網推薦第一位,一晚要價近三萬港幣,難怪佢哋咁興奮瘋狂影相check in啦。

喺房已經有私人泳池,仲要係infinity pool望住大海,難怪引到四位不停影相啦。(李施嬅Facebook)

就算Early Bird Book房都要二萬八千幾蚊一晚,連埋稅三萬三,真係Honeymoon都未必捨得去。(酒店官網)

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。