《降魔的》監製方駿釗新作　《危城》開拍搵陳松伶做女一

《降魔的》在上年好評如潮，很多觀眾都要求快啲拍第二輯，而之前編審羅佩清就已經率先爆料會繼續拍落去，大家都相當興奮，期待新一輯的出現。不過再未有第二輯之前，大家不妨留意下另一套劇，都是由《降魔的》監製方駿釗拍攝，叫做《危城》。

講緊呢套《危城》，並不是由古天樂劉青雲主影的電影《危城》，相信劇情都不會相同，而只劇名一樣。早前在《降魔的》飾演龍貓嫂的黃穎君，在接受其他傳媒訪問時提到，將會開拍一套由陳松伶主演的新劇《危城》，仲話自己戲份多咗，二月底就開工！方駿釗今次搵返黃穎君，好有可能因為《降魔的》內她有不錯的內心戲演出，尤其是龍貓（何遠東飾）死的那一幕，希望監制搵多啲《降魔的》劇組的演員，讓他們有更多好發揮。