【阿嬌結婚】鍾欣潼認愛後被揭風流帳 男友賴弘國曾閃電離婚

撰文:
最後更新日期:

「醫界王陽明」賴弘國向阿嬌鍾欣潼求婚成功,網上搜尋榜上都見到「賴弘國」高踞榜上,事關拍拖短短半年就可以令阿嬌點頭下嫁,大家都好奇賴弘國到底係咩來頭。來自台灣嘅婦產科醫生,除咗個樣同男星王陽明似到十足,原來情史都相當豐富,仲曾經有過一段婚姻。

大家都衷心希望阿嬌可以得到幸福,所以紛紛搜尋賴弘國到底係咩來頭。(鍾欣潼IG)

【阿嬌結婚】拍拖半年即閃婚 醫生男友賴弘國:給她最大幸福【阿嬌結婚】台灣醫生男友賴弘國求婚 ig曬鑽戒:下一站幸福

以醫生黎講,賴弘國顏值真係相當高,曾經被邀同王陽明拍攝慈善廣告,真係似到十足十。(賴弘國IG)

現年約32歲嘅賴弘國,身高1米77,貌似台灣男星張孝全及王陽明混合體,他平日喜歡做Gym身材健碩。畢業於台灣輔仁大學,曾經喺台北醫學大學附設醫院婦產科掛牌,後來轉戰醫學美容界,目前於女星陳怡蓉老公薛博仁嘅聖緹雅醫美診所主理婦科,不過就是主打「G緊療程」即所謂嘅「陰道美容」。無論學歷職業外型都絕對係筍盤之選。

賴弘國同圈中唔少藝人好似蕭亞軒、阿信等都好熟,亦因為高顏值曾經上《康熙來了》,社交平台Folloers達六位數字。

夠高大有學歷係專業人士,仲識得下廚,完美男友嚟講賴弘國都應該好高分。(賴弘國IG)

【阿嬌結婚】擔心未婚夫賴弘國唔成熟 網民衷心祝福終於唔狙擊

賴弘國曾經同有「華航林依晨」之稱嘅Ivy Chao結婚,不過婚姻維持不到半年就宣布閃離。(網上圖片)

+5
+5
+5

至於佢嘅感情生活亦相當精彩,自賴弘國同阿嬌戀情曝光後,網上流出大量賴弘國與異性嘅親密合照甚至床上照。2016年佢曾經同有「華航林依晨」之稱嘅Ivy Chao結婚,不過婚姻維持不到半年就宣布閃離,令人詫異。去年9月初又曾被影到,同一名身材豐滿嘅長髮女仔同遊日本,計番時間當時應該剛剛同阿嬌拍拖,對於時間似乎有重疊。當時賴弘國透過診所表示,「跟阿嬌從認識到交往,都沒有跟其他女生交往或有曖昧關係。」呢次佢拍拖短短時間就向阿嬌求婚,網友都希望佢會真正定落嚟,令阿嬌得到幸福。

情到濃時更曾經於床上留影。(網上圖片)

去年9月有個身材火辣嘅女士Wendy上載同賴弘國合照,並且留言:「半年見一次老公,畢竟他事業做太大。」事後澄清只係普通學長學妹關係。(網上圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。