【阿嬌結婚】鍾欣潼冇戴戒指 冧爆讚賴弘國:對嘅時間遇到對嘅人

撰文:
最後更新日期:

剛踏入37歲的鍾欣潼(阿嬌),昨晚於ig上載多張生日蛋糕照片,當中更有一張她戴上鑽石戒指的相片,一句「下一站幸福」宣告已經接受32歲的台灣男友賴弘國求婚。 

公布婚訊後,阿嬌今日現身惠英紅的生日會,吸引近百傳媒到場。當記者要求阿嬌大show勁閃婚戒,卻見她兩手空空,她卻說:「唔記得戴戒指」、「戴咗就當係(求婚)㗎喇嘛。」一貫搞笑風格。

阿嬌跟傳媒透露,男友在她37歲生日當日求婚,本來阿嬌想帶男友見傳媒,正式介紹,但卻說:「佢而家好唔姿整。」當傳媒追問幾時帶未婚夫見人,阿嬌望向經理人Mani表示唔識答,然後再話:「遲下約個時間。」阿嬌再講被求婚的心情:「我又冇喊,反而我噚日宣布,塊面紅晒,未試過咁緊張,紅左幾個鐘頭,醒返之後好㷫,心跳好快。」言語之間都感受到她的興奮。

阿嬌春風滿面。(鄭子峰攝)

阿嬌同台男賴弘國拍拖半年而已。

冇戒指嘅?(鄭子峰攝)

粒結婚戒指好大粒㗎都,好sweet喎。

阿嬌與賴弘國拍拖未夠一年,但火速結婚,阿嬌解釋接受求婚原因:「當然有佢嘅價值,佢對我好好,係對嘅時間遇到對嘅人。」但問到幾時正式結婚行禮,阿嬌就話咩都未諗好,因為太突然,需要把事情想得清清楚楚。阿嬌再講男友究竟有幾好,她罕有地講得比較仔細:「最感動佢肯包容我所有壞習慣,我將所有壞嘅野show畀佢睇,我就同佢講你接受到就接受喇,咁佢又照單全收喎。」而阿嬌到補充有何壞習慣:「懶囉,懶得好緊要,佢又肯幫我做晒所有嘢。」

而另一個最令阿嬌感動的就是:「因為我哋係異地戀,而佢又好努力係維繫。」求婚一事,雙方家長已事先知道,但阿嬌表示婚期仍未有確定日子,但有消息會馬上通知大家,至於是否雙喜臨門,阿嬌講笑話自己就快開演唱會。阿嬌之後又指雙方家長、公司高層以及好友均知道婚訊,更指老闆楊受成大讚男友係好仔。去到最後,阿嬌sweet爆地讚男友:「佢已經超過咗100分!」希望阿嬌能夠好幸福地同未婚夫走下去!

阿嬌表示婚期仍未有確定日子,但有消息會馬上通知大家,至於是否雙喜臨門,阿嬌講笑話自己就快開演唱會。阿嬌之後又指雙方家長、公司高層以及好友均知道婚訊,更指老闆楊受成大讚男友係好仔。

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。