【旅行青蛙】古巨基投入養蛙熱潮做蛙奴 將青蛙改名做古太曬幸福
撰文：張嘉敏
出版：更新：
基仔話要將Kubi改名做古太。
最近中港台三地都掀起了一股養蛙熱潮，就連娛樂圈中人亦都紛紛投入呢隻名為《旅行青蛙》手機game的懷抱。而古巨基（基仔）日前亦加入了蛙奴行列，日夜玩住呢隻青蛙game，仲於facebook開心share他養蛙的點滴。基仔留言表示自己的青蛙原本叫Kubi，話如果個留言過100個like就會將Kubi改名做古太，結果粉絲同網民都一呼百應好快就畀了好多like基仔，100個like算甚麼，毫無難度啦，結果基仔亦都好守信用咁將隻青蛙改了名叫古太喇。
正式改咗名喇。
而基仔將Kubi改名做古太後又再出新post，留言問相中的古太：「古太，點解你要喺馬路度影相？出去玩要萬事小心啊。」而真古太，即基仔老婆Lorraine亦有留言回應表示：「你要好好照顧古太啊，知唔知？」基仔即話：「一路都照顧佢啦。」兩個的對話好有愛呀！基仔仲好關心古太，成日睇古太做緊咩，一時話古太返了屋企寫緊信，一時又話古太去了大阪城他都想去，好搞笑。
基仔好留言古太嘅動向。
基仔做咗蛙奴。