【中華小姐】今年係30周年 多年來只有3位港姐冠軍可以贏埋華姐
撰文：溫菁莉
出版：更新：
將於今晚舉行的《2018國際中華小姐競選》，香港代表雷莊𠒇就被視為大熱，有不少人都睇好佢可以奪獎，為香港增光。有人可能會話港姐點都入到三甲，好似講到小圈子選舉，你咁諗就錯喇。但其實往年都曾經試過有好幾屆港姐都未能在《國際中華小姐競選》獲獎，就好似2016年當年有「10A港姐」光環的麥明詩，又參選港姐到華姐都被視大熱，但竟然最後五強不入，被指是「人生勝利組第一敗」，可惜最後冠軍就由來自溫哥華地區的朱亞琳奪得。
麥明詩前年參加華姐時，就六強止步。
相關文章：
歷屆最索華姐被私有化 岑麗香、鍾嘉欣、李亞男做咗人妻依然咁靚
當年有翻版陳法拉之稱嘅朱晨麗，就被同樣現時都係花旦之一的張曦雯奪冠。
第二位未入到三甲就係2011年港姐冠軍朱晨麗，當年佢被封為「翻版陳法拉」，可惜最後在華姐比賽中只能獲得所謂的「豬肉獎」——大中華典雅氣質大獎，而當年的華姐冠軍就由現時已成為花旦之一的張曦雯奪得，大家又覺得邊嗰靚啲呢？！
2010年的華姐冠軍，(右)陳庭欣就輸俾來自溫哥華地區的香香(左)。
第三位就是2010年的比賽中，陳庭欣最後六強止步，敵不過來自溫哥華地區的香香岑麗香。當年只有26歲香香其實在溫哥華當地已是「溫哥華華裔小姐」冠軍，來港參選華姐被傳媒形容為「好樣一族」，最後評判5票中有4票投俾香香，係「爆冷」奪冠!
還有的是，今年是華姐30周年，從1988年到2017年，只有三位港姐能夠在華姐中勝出，分別是1988年的李嘉欣、2000年的郭羡妮和2014年的陳凱琳。