【中華小姐】「華姐冠軍」張曦雯情人節冇人約 一個人留家陪貓狗
撰文：溫菁莉
出版：更新：
Kelly期間都去咗墨西哥同哥倫比亞參加朋友嘅婚禮。
打工仔每個月朝思暮想嘅「放大假」如果可以放足一個月，你會做咩？唔洗講一定係去旅行，啱放完假一個月嘅張曦雯（kelly）就返到美國探親，她接受《香港01》訪問時苦笑表示成個trip都無艷遇，「去到南美我都見到好多靚仔嘅男仔，但就溝通唔到，因為佢地唔識講英文，所以只能夠欣賞。」
今晚有份做評判嘅kelly就話，睇華姐現場表現係最好。
提到情人節就快到，身為「新一代女神」嘅Kelly就話無異性約佢，「個日我係無工作嘅，但無人約我呀，應該就留係屋企同我嘅貓貓狗狗一齊。」佢其後就笑言希望呢個星期會有轉機，有人約佢咁話！
張曦雯話情人節冇人約。
講番今晚嘅華姐比賽，Kelly就好坦白咁話未有太留意新聞，「我覺得新聞上面講嘅大熱，去到比賽當晚一定有個特別突出，所以唔會估到個結果，所以現場睇表現係最好，今晚睇就最公平。」