同麥秋成分手？ 蔡思貝自爆：情人節要一個人過
撰文：溫菁莉
出版：更新：
就快新年，又係一班藝人搵外快嘅好時機，好似早前在台慶頒獎禮上獲得《我最喜愛電視男/女角色》的蔡思貝及馬國明今午就在尖沙嘴出席新年活動，兩人仲係台上唱歌，期間蔡思貝(Sisley)唱歌期間都不時咳嗽，她接受《香港01》訪問時就透露，「因為早前在緬甸拍完旅遊節目，當地嘅溫差好大，所以返嚟天氣又好凍所以就開始咳。」
蔡思貝透露情人節要一個人過。(溫菁莉攝)
早前曾經與黃心穎及馮盈盈等人合組女團唱跳舞版《到此一遊》，問到點解今次唔唱？Sisley笑言，「《到此一遊》好難，我一聽到前奏隻手情不自禁就開始郁。」後日就踏入27歲生日的蔡思貝就話，正日生日會一定係同屋企人一起過。至於情人節，佢就苦笑地表示，「應該都係要一個人過，新年工作會係TVB同觀眾拜年。」
+1
蔡思貝即場唱 《默契》同《明日恩典》俾fans聽！(溫菁莉攝)
Sisley表示新年期間都係以「食」為住，仲透露自己最鍾意食蘿蔔糕瘋狂搽辣椒醬，至於新年必做活動就係，「我地小朋友個堆，會用瓜子代替錢玩大細，魚蝦蟹，呢啲遊戲已經由細玩到大！」