《人生酒館》高庚杓話嬲朴寶劍？ 皆因家族麵館唔用自己做生招牌
撰文：沈洛嘉
出版：更新：
高庚杓同朴寶劍friend到早前一齊去美國、加拿大旅行。（網上圖片）
韓國tvN電視台綜藝節目《人生酒館》，早前由高庚杓、曹在顯以及《Running Man》成員全昭旻出演，以宣傳新劇《Cross》。在《人生酒館》中高庚杓就講到同韓流巨星朴寶劍，拍完電視劇《請回答1988》後紅起來之外，更因為呢套劇friend咗，仲一齊去咗美國同加拿大旅行添！
高庚杓爸爸好用信心，決定唔用高庚杓嘅人氣，而要用味道來分勝負！（網上截圖）
朴寶劍真係超乖，真係代哥哥高庚杓去仁川探佢家人。（網上截圖）
喺《人生酒館》入面，高庚杓就講起自己父母經營蕎麥麵麵館嘅事，本身呢間麵館係高庚杓爸爸退休之後先開嘅，初初高庚杓爸爸仲話唔會用高庚杓嘅人氣嚟做綽頭，要以味道嚟分勝負！
高庚杓爸爸話唔用高庚杓來做生招牌，點知反而貼咗朴寶劍嘅相出嚟！（網上截圖）
+11
因為完咗《請回答1988》拍攝之後高庚杓就好忙，而超乖仔嘅朴寶劍就代替哥哥高庚杓去到仁川探佢嘅父母，高庚杓同高庚杓父母都當然好感謝朴寶劍咁有心啦！高庚杓父母當時仲同朴寶劍影相留念，仲貼埋喺麵館入面，但就因為咁引起高庚杓嘅誤會！皆因高庚杓爸爸最初好有決心話唔用高庚杓來做生招牌，點知見到朴寶劍就即刻貼出嚟曬，搞到親生仔高庚杓即時嬲嬲豬！好在同申東燁佢哋傾完之後，高庚杓都讚自己爸爸其實好可愛！
同申東燁佢哋暢談一輪之後，高庚杓都讚自己爸爸其實好可愛！（網上截圖）
《人生酒館》高庚杓談及朴寶劍片段
《孝利家民宿2》邊個揹少女時代潤娥咁幸福？ 朴寶劍即將出場！
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/