【多圖】藝人婚照類型多元化 岑麗香陳柏宇孫慧雪各有特色
撰文：洪曉璇
出版：更新：
岑麗香婚前公開嘅婚紗相，其中一部分都喺影樓取景。
想當年父母去影樓企定定影相，依家睇番好似好娘，不過雨僑同羅力威嘅Studio婚照一出後，令唔少人驚覺原來潮流又返嚟啦﹗近年個個結婚都話要去韓國影相，男嘅GEL頭扮OPPA，女嘅魚尾婚紗顯S身型，原來Studio婚照番興都有密切關係。著名婚禮攝影師Stephen Chu表示：「其實好多客人會先影室內婚照作熱身」到底點解呢？
雨僑同羅力威呢輯影樓婚照真係相當特別。
簡約白色場景充滿夢幻感覺，係唔少新娘至愛。
雨僑同羅力威嘅婚照，既有簡單白色落地大窗，又有森林場景風格多變，令人目不暇給。曾多次獲獎嘅著名婚禮攝影師Stephen Chu表示：「雨僑同羅力威唔係第一個藝人影STUDIO PW，只係呢一輯迴響比較大。潮流其實係一個循環，影樓景可以配搭得更為歐化，影出嚟效果當然更好。」
攝影師Stephen笑言，依家嘅影樓同當年父母輩影嘅已經有相當大分別。（受訪者提供）
「其實依家香港影婚紗相，好多客人會選擇影STUDIO作為熱身，喺室內環境唔需要受天氣等外在因素影響下，同客人溝通得更多，一對新人亦會容易放鬆去練習笑容、Pose等，客人影完室內再影室外，成件事會更事半功倍，面對鏡頭時已經習慣咩笑容姿勢係最自然最靚。」
準新人唔習慣喺鏡頭前擺Pose好易硬晒軚，攝影師Stephen就話先喺Studio拍攝可作熱身。（受訪者提供）
香港好多準新人都趨向要求自然，影出嚟似番佢地自己先最緊要。（受訪者提供）
近年唔少藝人輪住結婚，余文樂、陳柏宇等，便服look又有，黑白照一樣都有，無論要咩風格都好，攝影師Stephen就話其實最重要係做自己：「站在專業角度，最好一定係影番一對新人嘅Love Story，最好一對新人影相前同攝影師開會，要唔要準備一啲道具，能夠反映到二人相識經歷，傾下影出嚟想呈現出高貴、活潑、電影感還是創作性高啲例如縮影、懸浮婚照，婚禮當日放啲相出嚟想賓客感受到啲咩感覺。」Stephen笑言準新娘唔需要甚麼地獄式減肥一星期唔食嘢，只要戒口唔好食煎炸食物，同埋敷保濕Mask令皮膚狀態好啲，影相當日放鬆心情做自己，出嚟效果就會更理想。
依家影婚紗相真係好多花款，余文樂同太太即使係黑白婚照一樣咁甜蜜。
攝影師鏡頭下好多都唔係藝人，Stephen話喺影樓拍攝可以慢慢尋找準新人最自然最靚嘅角度。（受訪者提供）
拍攝婚照前先開會商討，去番對客人有意義嘅地方，帶埋代表佢地愛情故事嘅道具去拍攝，就可以成就獨一無二嘅婚照。（受訪者提供）
+8