【旅行青蛙】容祖兒初做蛙奴：係咪仲有好玩嘅地方我未發掘呢？

日本手機遊戲《旅行青蛙》（旅かえる）近日風靡中港台三地，不少藝人亦都陸續加入養蛙行列，圈中的蛙奴包括台灣代表五月天的阿信、S.H.E.的Selina、還有香港代表古巨基等。而容祖兒日前都因為好奇心驅使之下，開始了養蛙喇，不過她似乎不覺得有咩好玩。

今日祖兒於她的Instagram上載了一張key了《旅行青蛙》公仔的Selfie大頭相，並留言表示：「同事介紹，貪玩的我立刻下一個試試看。但是，玩來玩去都係摘嗰幾PAUL草，同埋買下啲糧餉，啲相係幾得意嘅。係咪仲有啲好玩嘅地方我未發掘呢？」睇來祖兒對呢隻game充滿了疑問，暫時仲未感受到遊戲的吸引力喇，所以可能想請教下粉絲同網民囉。她還Tag了王菀之、泳兒以及商台DJ麻利亞，相信她們3個都應該有玩啦。

祖兒出post後，網民都紛紛留言，有網民就直言隻game好無聊遊戲，亦有網民同祖兒一樣唔覺得有咩咁好玩話，除了討論隻game，都有人錯重點，主力大讚祖兒靚女，仲話相中的她個樣有些似舒淇呀。