《戀與制作人》勁過《旅行青蛙》排第1　韓國Youtuber求出韓文版

對於K-pop迷嚟講，早排推出嘅BTS防彈少年團真人育成遊戲《BTS WORLD》都吸引唔少A.R.M.Y（防彈少年團粉絲），不過近日韓國YouTuber東東就同大家介紹另一個手機遊戲《戀與制作人》，東東今次就邀請埋朋友慧敏一齊試玩。其實《戀與制作人》係一個假想戀愛遊戲，開初東東仲話唔理解點解要玩呢啲虛擬戀愛遊戲，但就因為近期都幾hit，所以就拍片一齊試玩《戀與制作人》！

雖然近排《旅行青蛙》、《Monster Hunter World》（魔物獵人世界）、《真三國無雙8》迷倒一眾少男少女，仲有唔少男生已經將《Monster Hunter World》打爆機！但少女們喺等緊《旅行青蛙》返屋企嘅時候，其實都可以試玩一下《戀與制作人》，佢係一款同虛擬人物培養感情嘅遊戲，唔使好似《旅行青蛙》咁淨係得個等字。另外《戀與制作人》真係紅到一眾「李太太」玩家為咗《戀與制作人》入面嘅霸道總裁李澤言，仲買咗廣東深圳京基大樓嘅外牆廣告慶生，呢個外牆投影180秒至少都要花費12萬人民幣㗎！

東東同慧敏其實係100%地道韓國人，不過佢哋都有學過中文所以喺介紹片段入面多數以普通話夾集韓文溝通，但就喺讀《戀與制作人》入面嘅過鏡場白同各男主角嘅短訊時，就覺得啲字飛得太快，對於外國人嚟講未睇晒就飛走咗，仲係YouTube條題上面寫「求韓文版」！

之後東東同慧敏都愈玩愈投入、愈玩愈興奮，最後慧敏仲問係咪可以同佢哋發展成為戀人，係咪只係同一個人？不過東東同慧敏就覺得其實喺遊戲入面多多少少都會反映出自己現實中鍾意嘅類型，雖然之前唔明點解要用《戀與制作人》呢類遊戲嚟滿足心態，不過依家就覺得其實呢個遊戲都幾好玩，如果有K-pop迷想試下都不妨下載試玩嘅。

更多圖片

韓國Youtuber東東《戀與制作人》

A.R.M.Y夢想成真做經理人！　BTS防彈少年團育成遊戲今年推出

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/