【多圖】陳凱琳扮女僕服侍家姐 蔡思貝原來最愛跳大繩 

撰文:
最後更新日期:

貝貝真係愈睇愈靚女。(梁碧玲攝)

蔡思貝同陳凱琳(Grace)今日嚟到元朗,拍攝TVB節目《降魔的捉妖遊戲》,佢哋兩個講起細個嗰時,無依家咁多娛樂,大家除咗讀書,會玩啲咩遊戲,Grace笑住話:「我家姐細個好有創意,好叻諗遊戲,不過通常都係玩我同細佬,例如佢扮皇后,我哋兩個要扮隨從服侍佢。」Grace講起呢件事時手舞足蹈,雖然係俾家姐整蠱,不過童年時兄弟姊妹間嘅時光,總令人回味呢。

而活潑嘅思貝就更加熱愛遊戲,佢話細個時最鐘意玩跳飛機同跳大繩,Grace話佢思貝休息嘅時候都會諗啲遊戲叫大家玩,思貝話:「玩遊戲可以增進朋友間嘅感情,令大家互相認識多啲,同埋大家會有多一份回憶,將來講返都覺得開心。」其實依家大家慣咗拎住部手機狂碌,已經好耐無同朋友玩返啲原始嘅遊戲,唔知思貝呢翻說話有無令你諗起細個同朋友玩過嘅遊戲,有無一幕令你諗起都忍唔住笑呢?

2. Grace話細個玩遊戲,成日俾家姐點佢做侍從,但佢講呢翻回憶時,笑得好開心。(梁碧玲攝)

思貝坦言好鐘意玩遊戲,因為可以同朋友進增感情,大家又可以多一份回憶。(梁碧玲攝)

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。