【南方有喬木】陳偉霆特種兵Look型爆 挑戰Oppa宋仲基未必輸
撰文：蘇國豪
出版：更新：
劇接劇拍唔停的「的士陳」陳偉霆（William）最近又有新劇播出，今次唔玩古裝劇換時裝劇，推出由人氣小說作家小狐濡尾改篇著作的《南方有喬木》，劇集仲未播出就已經引來好多視迷討論，特別在於William高富帥的造型，仲有著上一身軍服Look的樣，睇到一班粉絲流晒口水，完全唔輸Oppa宋仲基在《太陽的後裔》劉時鎮Look啊！
陳偉霆拍時裝劇同樣型到爆。（網上圖片）
《南方有喬木》講述了一對背景相差甚遠的男女愛情故事，白百何飾演的南喬是一名讀書好叻的理工科女仔，後來因為遇上陳偉霆飾演的酒吧老闆時樾，而改變了她的人生。這一些都唔係重點，重點在於在劇集仲未播出之前，William的造型就已經是一大亮點。
陳偉霆在《南方有喬木》中，盡現了壞壞一面。（網上圖片）
仲不時晒肌，令粉絲未睇已經叫唔停。（網上圖片）
飾演酒吧老闆的William，唔好睇他壞壞的外表，其實在之前他是一名特種部隊兵，因為一項背上泄密的罪名而遭到部隊開除，從而先經營酒吧。William無論穿起西裝還是皮衣，都是給予人一種壞男孩的形象，在他身上總有一股硬朗的氣質，只係睇相都令粉絲熱血沸騰。除此之外，一身軍人Look更是型到不得了，雙手持著槍擺出攻擊姿勢，認真作戰樣更秒殺一班粉絲，完全唔輸宋仲基可以話係中國版的「劉時鎮」。粉絲都大讚他的塑造能力太厲害，任何人物都演得淋漓盡致，而且做軍人的角色更盡現他的魅力，坐定定等睇啊！《南方有喬木》定於3月25日首播，到底William會唔會因為軍人角色而再闖事業高峰，我們就拭目以待啦！
陳偉霆軍裝Look超型。（網上圖片）
宋仲基軍人Look令大家忘不了。（網上圖片）