何韻詩IG晒長髮著裙童年照:我著裙嗰時你哋都未出世

撰文:冼燕珊
出版:更新:
阿詩今日喺IG晒紮辮仔著裙仔嘅童年照。(IG圖片)

歌手何韻詩自出道起,無論歌唱聲線、造型風格都行中性路線,大部分時間都是蓄利落的短髮,但佢今日於Instagram上載了一張童年照,相中嘅阿詩了了瘦瘦,留長頭髮紮辮仔,仲著住裙仔,雙手搭著兩個石像,非常可愛,實在難以想像這就是阿詩呢!阿詩寫道:「唔好成日話我唔著裙喇,正所謂,我著裙你地都未出世啦。」

阿詩前排都有晒返細個嘅學生相,非常得意。(IG圖片)

阿詩今年40歲,相中的她目測5、6歲,相信佢好多歌迷應該真係未出世,大家留言大讚阿詩細個靚女。雖然依家阿詩完全轉咗形象,但有一樣不變的是,都係咁貪靚,就算係男仔頭,阿詩都好注重造型,無論係出街定做出Show,啲造型都係襯過晒的!