王浩信情人節煮燭光晚餐冧老婆　 陳自瑤：佢一年淨係煮兩三次飯

王浩信憑《踩過界》文申俠（盲俠）一角奪得TVB視帝寶座。劇中王浩信（盲俠）冷酷的性格真的是迷倒不少觀眾。雖然劇內王浩信常常「不解溫柔」以至錯失機會。不過現實中，王浩信原來都幾識得「氹」老婆㗎。陳自瑤（Yoyo）接受《香港01》訪問時講起老公王浩信，個樣仲甜絲絲咁添。陳自瑤：「（情人節同王浩信有咩慶祝活動？）新年之前佢已經飛咗去菲律賓拍劇，佢都係新年之前先趕得切返嚟，反而情人節感覺冇咁強烈，所以佢返嚟嗰時，我哋就會食返餐團年飯。」

陳自瑤提並不是每年都有機會與老公王浩信慶祝情人節，不過最令陳自瑤印象深刻的情人節莫過於是：「其實佢個人就冇咁浪漫，不過最浪漫嘅就係煮嘢食。佢就試過煮燭光晚餐俾我，但係就唔好鋪晒成間房都係鮮花咁浪漫。佢平時好少煮嘢食，一年煮2，3次飯，真係『五隻手指都數得晒』。不過都係煮牛扒意粉沙律嗰啲，都係正常西餐嗰啲。（好唔好食？）OK嘅，擺得落口。OK嘅，好食。」所以話，男人煮飯唔使成日煮，一餐就夠啦。