【反黑】Netflix有份投資第2、3季？ 張建聲：招積會變到估唔到
撰文：陳曉毅
出版：更新：
張建聲同女友陳嘉莉一齊去擺年宵攤檔。
《反黑》開播已經有年半之久，如果要數近年最佳的華語劇集，《反黑》絕對榜上有名。近日《反黑》第一季更成功登陸Netflix平台。不過網民最期待嘅就梗係幾時開第二季啦。今日招積（張建聲）去了年宵攤位「擺檔」，他說：「其實第一季有好多地方都唔太合理，所以編劇希望第二季劇本可以度耐少少。同埋第一季我『隊冧』咗太多人，所以要搵新一批嘅演員，又要度期。不過慢工出細貨，我都好感恩咁多位觀眾成日問我哋幾時播，喺邊度播。」
雖然《反黑》2就仲未有得睇，但是張建聲（招積）就透露了一點消息：「《反黑》第二、三季已經confirm會拍，Netflix亦都會參與嘅。所以我哋亦都會set好晒招積嘅變化，我哋會令觀眾估唔到，原來招積會變成咁。（Netflix有份參與制作？）嗱，我聽人講㗎，Netflix會有份投資。（有外國演員？）我睇新聞話有㗎，因為我只係員工嚟，我唔會知道高層嘅嘢。」唉，究竟仲要要賣關子買到幾時呢？真係好心急睇第二季。
黃國立攝
陳嘉莉仲全程攬住隻「招積抱枕」添。
+2